Staðsetning flugnabana
Hér að neðan er að finna nokkrar ráðleggingar um hvar er heppilegast að staðsetja flugnabana til að tryggja hámarks hreinlæti, virkni og auðvelt viðhald. Hafa skal í huga að hvert svæði hefur sína sérstöðu. Því er aðeins unnt að nota þessi atriði sem almenn viðmið.
- Staðsetjið flugnabanann í hæfilegri fjarlægð frá viftum og svæðum þar sem dragsúgur er mikill.
- Aldrei skal setja flugnabana fyrir ofan ofna eða aðra hitagjafa. Og helst ekki nálægt gluggum eða öðrum sterkum ljósgjöfum.
- Flugnabani sem hangir niður úr loftinu hefur meiri virkni en flugnabani sem festur er á vegg. Þess vegna hentar best að festa hann upp miðsvæðis en að sjálfsögðu verður því ekki alltaf við komið.
- Hafa ætti í huga að þægilegt sé að nálgast flugnabanann til nauðsynlegs viðhalds og til að tæma skúffuna eða skipta um límspjöld. Sama á við um tengingu flugnabanans við rafmagn.
- Lágmarkshæð flugnabana frá gólfi ætti að vera 2,5 metrar. Ef flugnabaninn er settur upp á gangi eða umferðarsvæði þarf að tryggja að ekkert rekist í hann s.s. fólk eða gaffallyftarar.
- Ef staðsetja á flugnabana beint fyrir ofan svæði sem notuð eru til matargerðar eða þar sem matvæli eru geymd í opnum ílátum skal nota límflugnabana til að koma í veg fyrir mengun vegna fallandi skordýra.
- Ávalt skal til þess hæfur aðili annast uppsetningu og viðhald flugnabana.
